Síðastliðna helgi var hin árlega EJU dómararáðstefna og var hún að þessu sinni haldin í Torremolinos á Spáni. Kolbeinn Gíslason var fulltrúi dómaranefndar JSÍ en skyldumæting er á þessar ráðstefnur til að viðhalda alþjóðlegum réttindum. Á ráðstefnunni var farið yfir dómarareglur og túlkanir og fyrirhugaðar breytingar en þeirra má vænta að loknum Ólympíuleikum. Á næstunni verður haldinn fundur með dómurum og klúbbunum þar sem Kolbeinn mun fara yfir og segja frá því markverðasta sem kom fram á þessari ráðstefnu.
