Select your Top Menu from wp menus

Nýr formaður

Johann MassonJóhann Másson var kosinn nýr formaður JSÍ á 42. þingi Júdósambands Íslands (JSÍ) sem fór fram laugardaginn 13. apríl í húsakynnum ÍSÍ í Laugardal. Magnús Ólafsson gaf ekki kost á sér til áframhaldandi formennsku og lét af störfum en hann hafði verið formaður JSÍ samfleytt frá árinu 2002 eða í 11 ár og setið sem slíkur lengst alla fyrrum formanna JSÍ. Alls voru 40 þingfulltrúar mættir en 43 þingfulltrúar hafa rétt til setu á þinginu og stýrði Haraldur Baldursson þingforseti þinginu af röggsemi. JSÍ fagnaði 40 ára afmæli fyrr á árinu og var þingið haldið í kjölfar Íslandsmeistaramóts júdósambandsins.

Magnus OlafsFulltrúar ÍSÍ á þingi JSÍ voru Friðrik Einarsson og Ingibjörg Bergrós Jóhannesdóttir úr framkvæmdastjórn og sæmdu þau Magnús Ólafsson Heiðurskrossi ÍSÍ fyrir hans störf í þágu JSÍ en Magnús hefur verið viðloðandi starfsemi JSÍ frá stofnun þess 28. janúar 1973 til dagsins í dag.