Select your Top Menu from wp menus

Hákon Örn Halldórsson látinn

KrossHákon Örn Halldórsson fyrrum formaður Júdósambands Íslands lést að morgni 11. júlí, sextíu og átta ára að aldri eftir stutta og snarpa viðureign við illvígan sjúkdóm. Hákon var á sínum tíma einn af máttarstólpum Júdófélags Reykjavíkur bæði sem keppandi sem og í félagsstörfum. Hann tók við formennsku JSÍ 1983 og gegndi því starfi í ellefu ár af stakri prýði. Dafnaði hið unga samband undir hans stjórn ákaflega vel sem sýndi sig best í gróskumiklu starfi og þátttöku og árangri íslenskra júdómanna bæði hér heima og erlendis í hans formanns tíð.
Útför Hákonar Arnar Halldórssonar fer fram frá Digraneskirkju fimmtudaginn 18. júlí kl. 13:00.
Félagar í Júdósambandi Íslands harma fráfall góðs félaga og leiðtoga og vottar fjölskyldu Hákons sína dýpstu samúð.