Júdósamband Íslands

Dagana 9. til 14. september nk. verður heimsmeistaramótið haldið í Tokyo. Þangað fara fjórir keppendur frá Íslandi og keppa í fimm þyngdarflokkum. Þeir sem fara eru Þormóður Jónsson +100 kg og opnum flokki, Hermann Unnarsson -81 kg, og Kristján Jónsson og Eyjólfur Eyfells í -73 kg. Hægt verður að fylgjast með í beinni útsendingu frá mótinu á Judo TV og einnig verður hægt að fylgjast með hvernig útslátturinn gengur fyrir sig. Hér er tengill á heimasíðu mótsins.

Í síðustu viku keppti Sævar Róberts á EUROPEAN SENIOR CUP í Hamborg ásamt sjö öðrum Íslendingum og tók þátt í æfingabúðum í framhaldi af því. Á morgun mun hann hinsvegar mun Svæar keppa í sínum aldursflokki því hann framlengdi þýskalandsferðinni og keppir -90 kg á EUROPEAN JUNIOR CUP í Berlín.

Hermann Unnarsson verður honum til aðstoðar og jafnframt er Þórir Rúnars að dæma á þessu móti.

Hægt er að fylgjast með mótinu á:
http://www.german-judo.de/de/2010/ec_u20/listen.php?l=en&s=gkm&sw=6

8 júdómenn frá Íslandi að keppa á Europian Cup í Hamborg í Þýskalandi.
Í dag kepptu þeir Kristján Jónsson, Sævar Róbertsson og Þormóður Jónsson.  Þormóður átti góðan dag og var aðeins örstutt frá því að komast í fjögura manna úrslit.  Hann tapaði þriðju glímu á dómara úrskurði þegar komið var í gullskor en  hafði  unnið fyrstu tvær. Hann vann einnig fjórðu glímu í uppreisnarpakkanum en tapaði þeirri fimmtu og varð því í sjöunda sæti. Kristján og Sævar töpuðu sínum viðureignum og fengu ekki uppreisn.

8.8. 2010 – Viðbót við frétt

Á seinni deginum töpuðu allir fyrstu viðureign og aðeins Birgir Ómarsson fékk uppreisnarglímu.

Hann vann fyrstu uppreisnarglímuna gegn ISR örugglega  en í þeirri næstu gegn Tom Reed frá GBR gekk ekki nógu vel og tapaði hann henni og féll þar með úr keppninni og endaði í 13-16 sæti.

Ingþór -100kg tapaði á ippon gegn GBR á drop seoinage, Hermann -81kg leiddi glimuna með yuko gegn SWE (núverandi NM meistara frá í vor) og þegar ca glíma er hálfnuð reynir Hemmi misheppnað sumigashi og  SWE dettur í fastatak og þar með var Hemmi úr leik. Sveinbjörn reyndi  ouchi gari í tvígang og var tekinn á mótbragði og  tapaði á tveimur wazaari, og svipaða sögu er að segja um Jón Þór hann reyndi ouchi gari og var pikkaður upp og tapaði einnig á ippon.

Nú er búið að setja inn upplýsingar um mótið á tengilinn Judo Nordic Championships 2010.

Vigtun fyrir báða dagana.

Föstudaginn 7. maí á Grand Hotel Reykjavik

Óformleg vigtun 18:00 – 19:00

Formleg vigtun 19:00 – 20:00

Dregið verður á föstudagskvöldið 7. maí kl. 21:00 fyrir alla flokka

Dómarafundur: 30 mínúum fyrir keppni á keppnisstað.

Dagskrá:

Laugardagur 8. maí

10:00-16:00 Seniors and Veterans (Karlar og konur)

Frá 10-13 verður keppt í seniora flokkum og allt klárað nema brons og gull glímur en þær hefjast rúmlega kl.14:00
Það verður gert hlé frá kl. 13-13:30 og mótið sett formlega kl. 13:30 og að því loknu hefst keppni öldunga og ætti henni að ljúka uppúr kl. 14.
Brons og úrslitaglímur klárast um kl. 15 og verðlaunaafhending og mótslok um kl. 16:00

Sunnudagur 9. maí

9:00-13:00 Cadets (Drengir og stúlkur U17)

9:00-13:00 Juniors (Piltar og konur U20)

Keppni í þessum aldursflokkum klárast að mestu um kl. 12 .

Þó verða nokkrir flokkar sem voru með útsláttarfyrirkomulagi kláraðir milli 12 og 13 og verðlaunafhending og mótslok stuttu seinna.

Eftir mótslok á sunnudegi verður skipulögð ein sameiginleg æfing fyrir alla aldursflokkana og vonandi með þátttöku allra þjóðanna.
Æfingin verður frá kl. 15:00 til 17:00 og nú mæta allir.

Vormót JSÍ 2010 var haldið í dag í húsakynnum JR í Ármúla. Úrslit voru eftirfarandi:

Lesa ‘Vormót JSÍ yngri en 20 ára – Úrslit’ »

Á Selfossi vantar júdóþjálfa fyrir næsta vetur. Starfið hefur verið á uppleið og árangur í samræmi við það. Fyrirkomulag þjálfunar verður unnið í samráði við væntanlegan þjálfara.

Áhugasamir hafið samband við Berg Pálsson berg.sig@simnet.is