15. Janúar verður hert á samkomutakmörkunum í ljósi fjölda smita í samfélaginu og álags á heilbrigðiskerfið. JSÍ hefur uppfært sóttvarnarreglur í samræmi við nýja reglugerð og má nálgast þær í hlekk hér að neðan:

https://www.jsi.is/wp-content/uploads/2022/01/COVID-19-Reglur-JSI-um-sottvarnir-vegna-Covid-19-15.1.2022.docxSóttvarnarreglur JSÍ 15.1.2022

Helstu reglur er varða íþróttastarf eru eftirfarandi: 

  • Almennar fjöldatakmarkanir eru 10 manns og á það við um börn og fullorðna.
  • Á æfingum og í keppnum hjá börnum og fullorðnum er heimilt að hafa 50 manns í hverju rými.
  • Áhorfendur eru bannaðir á íþróttaviðburðum en heimilt er að hafa fjölmiðlafólk á staðnum og gilda þá almennar fjöldatakmarkanir og reglur um sóttvarnir.
  • Áfram ber að sótthreinsa sameiginleg áhöld milli hópa og lofta vel út.
  • Á líkamsræktarstöðvum, skíðasvæðum og sund- og baðstöðum er heimilt að taka á móti allt að 50% af leyfilegum fjölda samkvæmt starfsleyfi.
  • Börn fædd 2006 og síðar eru undanþegin grímuskyldu og börn fædd 2016 og síðar eru undanþegin nálægðartakmörkunum en almennt gildir 2 metra regla í samfélaginu.

Sem fyrr hvetur Íþrótta- og Ólympíusamband Íslands alla til þess að gæta vel að persónubundnum sóttvörnum og að huga að eigin heilsu með því að hreyfa sig reglulega, gæta að nægum svefni og næra sig vel á bæði líkama og sál.

Hér er hægt að sjá reglugerð heilbrigðisráðherra sem gildir frá 15. janúar – 2. febrúar.
Hér er hægt að lesa minnisblað sóttvarnalæknis frá 13. janúar.