Júdódeild Suðurnesjabæjar er nýtt júdófélag sem hóf störf í september 2024 undir handleiðslu Arnars Más Jónssonar. Félagið fór strax á flug og hafa keppendur þaðan verið áberandi í keppni. Á fyrsta Íslandsmeistaramóti sem haldið var frá stofnun deildar átti félagið íslandsmeistara en það var hún Dagbjört Björnsdóttir sem varð íslandsmeistari í flokki stúlkna U13-32. Félagið heldur úti fyrirmyndarstarfi og verður gaman að fylgjast með þróun þess næstu árin.

Hér að neðan er aðsend grein frá varaformanni Júdódeildar Suðurnesjabæjar:

Í upphafi hafði formaður Íþróttafélags Nes Jóhann Jóhannsson samband við Arnar Már Jónsson judoþjálfara til margra ára, varð það til þess að stofnun Judodeildar Suðurnesjabæjar varð að veruleika í September 2024.

Stofnfundur var haldin í Nóvember og varð til stjórn þar sem Arnar Már Jónsson yfirþjálfari var kosin formarður deildarinnar og Vilborg Ósk Jónsdóttir kosin varaformaður ásamt meðstjórnendum. Í framhaldi af því var farið að ræða við Suðurnesjabæ um iðkun í bæjarfélaginu og aðstöðu fyrir deildina til judo þjálfunnar, einnig var farið á fullt í að finna dýnur til þess að iðka íþróttina og var það Bjarni Friðriksson bronshafi á Ólympíuleikum hjá Judofélagi Reykjavíkur sem reddaði judo dýnum svo hægt væri að byrja starfsemina. Framhaldi af því var hafið starfsemina í September og fór hún þegar vel af stað og hefur síðan iðkendum fjölgað ört.

Var þá farið af stað með æfingar þrisvar í viku fyrir bæði yngri og eldri flokka. Æfingar hafa verið fríar og hefur Arnar Már 2 DAN í judo ekki tekið krónu fyrir þjálfun nema gleði frá börnunum. Arnar er einnig eini með sérmenntun á landinu í judo fyrir börn og fullorðna með greiningar, einnig hefur Arnar starfað við þjálfun fólks með fatlanir í yfir 30 ár og er ekkert sem kemur honum á óvart og eru allir velkomnir. Aðstoðarþjálfarar eru sonar Arnars, Aron Snær Arnarsson margfaldur Íslandsmeistari og Halldór Matthías Ingvarsson.

Starfssemin fór strax vel af stað þar sem í smábæjarfélögum er oft skortur á íþróttastarfi og vitum við það að besta forvarnarstarf eru íþróttir, ekki eru allir gerðir fyrir að sparka í bolta og finna sig ekki í hópíþróttum og finna sig þá í judo íþróttinni. Æfingar hafa verið þrisvar í viku og er einnig boðið upp á einu sinni í viku sér tíma fyrir börn og fullorðna með fatlanir. Þeir Arnar og Jóhann lögðu mikið upp úr því að aðstæður á báðum stöðum væru með hjólastóla aðgengi.

Eins og judosamfélagið veit hefur Judodeild Suðurnesjabæjar látið til sín taka á judomótum samanber t.d. Íslandsmeistaramót þar sem JDS eignaðist Íslandsmeistar og aðra góðmálma, einnig á páskamóti Judofélagi Reykjavíkur þar sem Judodeild Suðurnesjabæjar kom sterk inn.

Við munum halda ótrauð áfram enda er Judodeild Suðurnesjabæjar komin til að vera. Hlökkum til að takast á við komandi áskoranir sem tengjast judoinu eða eins og Arnar segir mæting er bæting.

F.h Judodeildar Suðurnesjabæjar

Vilborg Ósk Jónsdóttir

Varaformaður