Júdósamband Íslands hefur á undanförnum vikum átt í samtali við aðildarfélög um mögulega innleiðingu og þróun sérstaks ne-waza mótaforms hér á landi. Markmiðið er að skapa fleiri keppnistækifæri, auka tæknilega breidd iðkenda og styrkja ne-waza hluta júdó innan landsteinanna. 

Viðbrögð félaga hafa verið jákvæð og ljóst að áhugi er á að halda slík mót en þau hafa verið haldin hjá JR sl. þrjú ár og JRB spennt fyrir hugmyndinni og ætla að halda slíkt mót á næstunni.

Sambandið hvetur öll félög sem hafa áhuga á að koma að skipulagi, hugmyndavinnu eða framkvæmd til að hafa samband. Með samvinnu félaganna er hægt að móta sterkan og sjálfbæran grunn fyrir ne-waza mótahald til framtíðar.

Næstu skref verða frekari samráð við félög, mótun regluramma og ákvörðun um tilraunamót á næstu misserum.

JRB heldur innanfélagsmót í Ne-waza sem er það opið öllum. Um er að ræða fyrsta ne-waza mót félagsins en frekari upplýsingar má finna á vefsíðu JRB.