IMGP3213Anna Soffía Víkingsdóttir gerði sér lítið fyrir og sigraði -78kg flokk kvenna á Smáþjóðaleikunum. Anna sem er búinn að vera í miklu stuði í dag sigraði Charlotte Arendt frá Luxemborg á þremur yuko geng engu í úrslita viðureigninni.

Eftir stórskemmtilegar undanrásir er pása á mótinu til kl 18:00 þar sem úrslitin fara fram. Þeir Íslendingar sem komnir eru í úrslit eru Hermann Unnarsson og Sveinbjörn Jun Iura. Báðir unnu þeir sig örugglega inn í úrslit.

Janusz Komendera, sem keppir í -66kg flokki, og Ægi Valsson sem keppir í -90kg, fengu uppreisn og eru því komnir í baráttu um bronsverðlaun.

Aðrir Íslenskir keppendur náðu sér ekki á strik. Á pappírunum verður úrslitaglíma Sveinbjörns sú erfiðasta þar sem hans mótherji er Srdjan Mrvaljevic frá Svartfjallalandi sem er í 31. sæti heimslistans. Þetta verða því spennandi úrslit.