Select your Top Menu from wp menus

Þjálfaranámskeið JSÍ 2018

Júdósamband Íslands heldur nú um miðjan nóvember í annað skipti þjálfaranámskeið sem uppfyllir kröfu ÍSÍ sem sérgreinahluti og kemur þannig til móts við almennan hluta þjálfaranámskeiðs ÍSÍ. Þar með gefst júdóþjálfurum tækifæri til að klára þjálfaranám ÍSÍ að öllu leyti.

Þjálfaranámskeið JSÍ – Þjálfari 1 skiptist í eftirfarandi lotur

  • Lota 1 – Siðfræði / heimspeki
  • Lota 2 – Öryggisþættir
  • Lota 3 – Undirbúningur / skipulag
  • Lota 4 – Tæknikennsla
  • Lota 5 – Að hafa gaman og samskipti við iðkendur

Allar loturnar eru teknar í fjarnámi og hafa nemendur tvær vikur til að ljúka hverri lotu.

Námskeiðið er ætlað öllum starfandi júdóþjálfurum og öllum júdómönnum sem hafa áhuga á júdóþjálfun, þó með þeim fyrirvara að þátttakendur séu að lágmarki á 16 ári, með 2. kyu í júdó og hafi lokið Þjálfari 1 hjá ÍSÍ.

Námskeiðsgjald er 15.000 kr. og greiðist á reikning JSÍ 0323-26-202 og kt. 450274-0709.
Vinasamlegast sendið staðfestingu á greiðslu á jsi@jsi.is og látið koma fram fyrir hvern er verið að greiða.

Hægt verður að skrá sig í gegnum neðangreindan hlekk “Skráning á nánmskeið” og verður opnað fyrir skráningu þar innan skamms.

Skráning á námskeið