Sveinbjörn Iura Egill Blöndal hafa nú báðir lokið keppni á HM í Tókýó. Báðir keppendur Íslands sátu hjá í fyrstu umferð og hófu keppni því í annarri umferð. Sveinbjörn mætti Jack Hatton (USA) sem hafði sigrað Marco Tumampad (PHI). Sveinbjörn virkaði sigurstranglegri framan af og komst nálægt því að skora með osoto gari í byrjun glímunar. Þróaðist viðureignin á þann hátt að hvorugur hafði skorað eftir venjulegan leiktíma. Tók þá við bráðabani (e. golden score) og fór hann á þá leið að Hatton var virkari og Sveinbjörn tapar á refsistigum og þar með úr leik.  Egill mætti Peter Zilka(SVK) sem áður hafði sigrað  Nantenaina Finesse (SEY). Zilka virtis vera mjög sterkur stöðugur og stýrði gripabaráttunni í glímuni. Samt sem áður gerði Egill vel að vera hreyfanlegur og náði að koma að sóknum. Egill komst nálægt því að skora með snörpu sote tsurikomi goshi snemma í glímunni. Eftir um það bil tveggja mínútna viðureign sótti Zilka inn í uchi mata og skoraði ippon og þar með hafði Egill lokið keppni.

Hér má sjá viðureignir Sveinbjörns og Egils