Select your Top Menu from wp menus

Ársþing JSÍ 2020

Ársþing JSÍ 2020

Ársþing Judosambands Íslands, það 49. í röðinni var haldið laugardaginn 23. maí 2020 og hófst það kl. 11. Jóhann Másson formaður JSÍ setti þingið og bauð þingfulltrúa og gesti velkomna. Þar á eftir fór hann með minningarorð um Naoki Murata fyrrum landsliðsþjálfara sem lést í apríl sl. og var hans minnst með mínútu þögn. Gengið var til venjubundinnar dagskrár, kosið í kjörbréfanefnd sem þegar tók til starfa og aðrar fastar nefndir þingsins og starfsmenn. Í kjörbréfanefnd voru kjörnir Ari Sigfússon, Ásgeir Erlendur Ásgeirsson og Björn Sigurðarson. Í fjárhagsnefnd voru kjörnir Kristján Daðason, Bergur Pálsson og Magnús Ómarsson. Þar sem Magnús var ekki viðstaddur þingið, tók varamaður hans Guðmann Valdimarsson sæti í nefndinn í hans stað. Í laga og leikreglnanefnd voru kjörnir Bjarni Friðriksson, Björn Sigurðarson og Garðar Skaptason. Í alsherjarnefnd voru kjörin Ásgeir Erlendur Ásgeirsson, Birkir Hrafn Jóakimsson og Eydís Mary Jónssdóttir. Fundarstjóri var kjörinn Hörður Oddfríðarson fyrrum formaður Sundsambands Íslands og ritari Ari Sigfússon. Kjörbréfanefnd skilaði áliti sínu. Tíu félög höfðu rétt á þingsetu með tuttugu og einn fulltrúa en átta félög voru mætt með sautján atkvæði. Um mitt þingið þurfti einn fulltrúi UMFN að yfirgefa þingið og voru þá sextán atkvæði eftir það. Júdódeild KA og Júdódeild Tindastóls skiluðu ekki inn kjörbréfum. Fráfarandi stjórn gaf skýrslu sína og kynnti Jóhann Másson formaður JSÍ hana (sjá hlekk hér neðar). Kristján Daðason gjaldkeri JSÍ kynnti ársreikning JSÍ, sjá árskýrslu JSÍ. Ársreikningur var borinn upp til samþykktar og var samþykktur. Stjórn JSÍ lagði fram tillögu að fjárhagsáætlun fyrir næsta starfsár. Kristján Daðason kynnti tillöguna og var hún send til umfjöllunar í fjárhagsnefnd.

Fyrir þinginu voru allnokkrar tillögur en nánari umfjöllun um nefndarálit, tillögur og atkvæðagreiðslur má sjá í fundargerð þingsins.

Kosningar í nefndir, stjórn JSÍ, varamanna í stjórn og skoðurnarmanna

Í aganefnd voru kosnir Teitur Sveinsson, Haraldur Baldursson og Víkingur Víkingsson. Til vara Daníel Reynisson, Ásgeir Erlendur Ásgeirsson og Halldór Sveinsson.

Í dómaranefnd voru kosnir Sævar Sigursteinsson, Björn Sigurðarson og Birkir Hrafn Jókimsson. Til vara Jón Sigurðsson, Daníel Ólason og Yoshihiko Iura.

Kosningu fulltrúa á ÍSÍ þing var samþykkt samhljóða að visa til stjórnar.

Kosning stjórnar og varamanna stjórnar. Kosning aðalmanna til tveggja ára: Kjósa átti um fjóra aðalmenn í ár en í kjöri voru fimm aðilar. Tillaga kom að eftirfarandi mönnum í aðalstjórn. Arnar Freyr Ólafsson, Bjarni Skúlason, Gunnar Örn Guðmundsson, Karen Rúnarsdóttir og Kristján Daðason. Fráfarandi stjórnarmenn þeir Ásgeir Erlendur Ásgeirsson og Björn Sigurðarson gáfu ekki kost á sér. Eftirfarandi hlutu kosningu: Arnar Freyr Ólafsson, Bjarni Skúlason, Karen Rúnarsdóttir og Kristján Daðason.
Kosning varamanna til eins árs: Kjósa á um þrjá varamenn en tillaga kom um fjóra, Teitur Sveinsson, Logi Haralsson, Arnar Þór Sigurðsson og Eydís Mary Jónsdóttir, þeir þrír fyrstnefndu hlutu kosningu.
Skoðunarmaður reikninga. Runólfur Gunnlaugsson er sjálfkjörinn skoðunarmaður reikninga og Gísli Jón Magnússon sjálfkjörinn varamaður.

Þingslit voru um 16:20.

Árskýrsla og Þinggerð