Select your Top Menu from wp menus

Lokahóf JSÍ 2020

Judofólk ársins 2020, Ingunn og Sveinbjörn

Í dag voru útnefnd Judokarl og -kona ársins 2020 ásamt því að efnalegasta judofólk ársins hlutu viðurkenningar. Stjórn judosamband Íslands ákvað að útnefna skildi judofólk ársins þrátt fyrir að keppnis árið hafi verið með óvenjulegast móti og þau tækifæri sem gáfust til þess að skara fram úr hafi verið færri en ella. Jafnframt þótti mikilvægt að heiðra þau afrek sem unnust á árinu þar sem aðstæður voru með eindæmum erfiðar.

Sveinbjörn Jun Iura – Judokarl ársins 2020

Sveinbjörn Jun Iura úr Júdodeild Ármanns sem keppir í -81 kg flokki var valinn júdomaður ársins 2020 og er það í fjórða skipti og það þriðja í röð sem hann verður fyrir valinu. Hann komst í þriðju umferð á Grand Slam Dusseldorf og endaði þar með í 9-16. sæti af 64 keppendum. Sveinbjörn er stigahæstur allra Íslendinga á heimslista Alþjóða Judosambandsins. En hann situr um þessar mundir í 69. sæti -81kg flokksins.

Ingunn Rut Sigurðardóttir – Judokona ársins 2020

Ingunn Rut Sigurðardóttirúr Júdofélagi Reykjavíkur sem keppir í -70 kg flokki var valin júdokona ársins 2020 og er það í annað skiptið sem hún hlýtur þann heiður. Hennar helsti árangur á árinu er fyrsta sæti á Reykjavík Judo Open sem er opið alþjóðlegt mót. En Ingunn sigraði fjórar viðureignir af fjórum allar á ippon á leið sinni að gullinu.

Efnilegasta judofólk ársins 2020

Daniele Kucyte úr Judofélagi Reykjavíkur sem keppti í -70 kg þyngdarflokki og Sara Ingólfsdóttir sem keppti í -57kg flokki úr Judodeild Selfoss voru útnefndar efnilegustu judokonur ársins 2020. Hrafn Arnarson, Judodeild Selfoss sem keppti í ýmist í -90 kg flokki eða -100kg og Andri Fannar Ævarsson sem keppti í -90kg flokki voru útnefndir efnilegustu judokarlar ársins 2020.

Daniel Dagur Árnason úr Judodeild Njarðvíkur fékk sérstök verðlaun fyrir framúrskarandi frammistöðu unglings í fullorðins flokki á árinu en Daníel sem er 16 ára vann til bronsverðlauna á Reykjavík Judo Open 2020 í -60 kg flokki karla. Fyrir utan bronsverðlaun á RIG þá vann hann tvenn gull verðlaun og ein silfurverðlaun í U18 og U21 árs flokkum á árinu og af tólf viðureignum vann hann níu þeirra.

Efnilegustu judokonur ársins 2020, Daniele og Sara.
Efnilegustu Judokarlar ársins 2020, Andri og Anar.
Framúrskarandi frammistaða unglings í fullorðins flokkum: Daníel Dagur Árnason
Frá lokahófi JSÍ 2020